நாளொன்று கற்போம்: "அல்லாஹீ அக்பர்!"

“தினமும் பள்ளிவாசலிலிருந்து “அல்லாஹீ அக்பர்”னு சத்தம் வருதே.. அப்படின்னா என்ன வாப்பா?”

கேள்விக் கேட்ட குட்டிக் கண்ணனை மடியில் அமர்த்திக் கொண்டு அன்வர் சொன்னார்: “செல்லம்! இதை 'அஜான்' அல்லது 'பாங்கு' என்பார்கள் மகனே! அதாவது தொழுகைக்காக ஒரு நாளில் ஐந்து முறை விடுக்கும் தொழுகைக்கான அழைப்பு.

• இறைவன் ரொம்பவும் பெரியவன்.
• அவனைத் தவிர வணக்குத்துக்குரியவன் வேறு யாரும் இல்லை!
• முஹம்மது நபிகளார் இறைவனின் தூதர்.
• தொழ வாருங்கள்..!
• தொழுகையின் மூலம் பயபக்தியுள்ள நல்ல மனிதனாகி வாழ்க்கையில் வெற்றிப் பெறலாம் வாருங்கள்!

- என்பதுதான் இதன் பொருள் மகனே!"

அன்வரைக் கட்டி அணைத்துக் கொண்டான் கண்ணன், 

“ரொம்பவும் நன்றி வாப்பா!” என்றான்.

அங்கு வந்த அவனுடைய அம்மா எதிர்வீட்டு லட்சுமியிடம் தான் கற்றுக் கொண்டதை சொல்ல ஓடினான்.